Os ydych chi wedi cael eich brifo neu eich trin mewn ffordd sy'n gwneud i chi deimlo'n anniogel, yn ofnus, yn anhapus neu'n unig, mae'n bwysig eich bod yn ymddiried mewn ffrind, aelod o'r teulu neu weithiwr proffesiynol dibynadwy. Dyma rai awgrymiadau ar ble i fynd am gefnogaeth.
Cyfrinachedd
Lle bo'n bosibl, bydd gweithwyr proffesiynol yn parchu eich cyfrinachedd a byddant ond yn rhannu gwybodaeth â rhywun arall os ydych chi'n dweud bod hynny'n iawn.
Fodd bynnag, os ydych chi'n dweud wrthyn nhw am rywbeth maen nhw'n teimlo sy'n eich rhoi chi, neu rywun arall, mewn perygl o niwed difrifol, bydd angen iddyn nhw rannu'r wybodaeth hon. Mae hyn oherwydd y bydd eich cadw'n ddiogel bob amser yn bwysicach na chadw addewid cyfrinachedd.
Dylid trafod hyn gyda chi yn gyntaf, a dylid eich helpu i deimlo'n ddiogel drwy gydol y broses. Os nad ydych yn hapus â sut y caiff unrhyw wybodaeth amdanoch ei rhannu, mae gennych yr hawl i gwyno.
Troseddau Casineb
Gall troseddau casineb fod yn unrhyw weithred droseddol neu ddi-droseddol fel graffiti, fandaliaeth i eiddo, galw enwau, ymosodiad neu gam-drin ar-lein gan ddefnyddio'r cyfryngau cymdeithasol. Dysgwch fwy am droseddau casineb, cael cyngor a rhowch wybod amdano, os ydych wedi ei brofi.
